نـور بعـد عتمـة كـاملة بقلـم منـي السـيد
## **نصيبك هيصيبك**
كانت **"أسماء"** بتمسح طرقة المستشفى في قسم النسا والولادة، وفجأة وقفت إيدها وهي سامعة صوت جاي من أوضة العمليات.. صوت فيه حزن مكتوم: بقلم منــي الـسـيد
— عملنا كل اللي نقدر عليه.. يا خسارة، لسه في عز شبابها، حتى ملحقتش تكحل عينها بشوفة ضناها..
الممرضة خرجت وهي بتنفخ بأسى: "الست ماتت بعد الولادة فوراً.. كان عندها عيب خلقي في القلب، والظاهر مكنتش تعرف ولا كانت متابعة مع دكتور. دخلت المستشفى في حالة ولادة طارئة، والقلب مستحملش.. نصيبها كدة." متوفرة على روايات و اقتباسات
أسماء اتنهدت بوجع.. الحوادث دي مكنتش بتحصل كتير في القسم عندهم. كانت حزينة على البنت اللي راحت، وعلى الطفل اللي هيتولد يلقى نفسه وحيد في الدنيا من أول نَفَس..
عرفت أسماء بعد شوية إن الست اللي ماتت كانت مقطوعة من شجرة، ملهاش لا أهل ولا قرايب، والطفل ملوش غير ملجأ الأيتام يستناه. قالت في سرها: "يا رب حنن عليه القلوب، وارزقه ببيت يعوضه عن حرمان الأم.."
أسماء شغالة "عاملة نظافة" في المستشفى
— يا عيني عليكي يا أسماء، حظك قليل.. لا شكل عدل، وعينك فيها "حوَل"، وكمان رجلك بتخونك وأنتِ ماشية.
أسماء كانت بتبص في المراية وتشوف الحقيقة المرة.. مناخير كبيرة شوية، عين فيها ميل واضح، وإصابة قديمة في رجلها مخلية مشيتها فيها "عرجة" بسيطة.. وشعرها كان باهت وضعيف. في المدرسة كانوا بيسموها "العرجة"، في الأول كانت بتعيط، وبعدين اتعودت وسكتت.متوفرة على روايات و اقتباسات
لما كبرت، شافت زميلاتها بيتخطبوا ويتجوزوا، وهي كانت بترجع من أي مناسبة لوحدها، تدفن وشها في المخدة وتعيط بحرقة. كانت نفسها تدخل معهد تمريض، بس أمها كسرت مقاديفها:
— تمريض إيه يا بنتي؟ أنتِ بتخافي من منظر الدم، وبعدين خليكي في المضمون.. امسحي سلالم ولا اشتغلي في النضافة، الشغلانة دي مش محتاجة لا علّام ولا نظر قوي.
أسماء كانت بتسمع الكلام وهي ساكتة، لأنها كانت شايفة إن ملهاش غير أهلها. اشتغلت في نفس المصنع اللي كانت أمها شغالة فيه، بتمسح المكاتب
وفي يوم، أمها قالت لها بلهجة فيها مصلحة:بقلم الكاتبة مني السيد
— بقولك إيه يا أسماء، "عم سيد" اللي معانا في الوردية، راجل طيب وحيد، هو آه مش صغير وفي سني كدة، بس حالته ميسورة وعايز واحدة تخدمه وتعيش معاه.. قولت أوفق راسين في الحلال وتتستري في بيت راجل.
أسماء اتخضت.. هي عارفة "عم سيد" ده؛ راجل "كرشه" قدامه متر، ودايماً ريحة السجاير المعفنة طالعة منه، وكلامه دبش. متوفرة على روايات و اقتباسات
— يا أمي ده راجل كبير أوي، وأنا مش طيقاه..
ردت أمها بقسوة:
— وأنتِ فاكرة نفسك مين عشان تتنمري؟ بصي لنفسك في المراية يا بت! مين هيرضى بيكي غيره؟ على الأقل هتلاقي لقمة وبيت، ولازم تخدميه وتشيليه في عينه.. هو مش واخدك عشان جمالك، هو واخدك عشان "ست بيت" وشغالة!
أسماء حست بسكينة اتغرست في قلبها.. معقولة أمها هي اللي بتقول كدة؟ أبوها كان دايماً ساكت، بيبص لها بنظرة شفقة كانت بتوجعها أكتر من قسوة أمها.
لأول مرة، أسماء وقفت وقالت "لأ". رفضت الجوازة دي بكل قوتها.
— براحتك، اقعدي في قرابيزنا.. أهو بتنضفي وتطبخي وتجيبي قرشين ينفعونا، أحسن ما كنتِ تتجوزي ويرميكي بعد شهر بعيل في رقبتك.
لكن أسماء كانت حاسة إن روحها بتتسحب منها في البيت ده.. كانت حاسة إنها تقيلة عليهم، مجرد "غلطة" هما مضطرين يتحملوها
## **نصيبك هيصيبك (التكملة)**
فجأة، ماتت جدة أسماء وسابت لها شقة قديمة بس واسعة في حي شعبي هادي، وأمها وافقت تنقل ملكيتها لأسماء عشان "تأمن مستقبلها". لأول مرة أسماء تحس إن عندها مملكة خاصة بيها، وسابت شغل المصنع واشتغلت عاملة في "مستشفى جلاء النسا". هناك، الكل حبها لطيبتها وإخلاصها، كانت بتمسح بضمير وتساعد الممرضات في شيل وحط، والكل كان بيقول عليها "الست أسماء الطيبة".
في يوم، شافت أسماء "بارقة أمل" لما جار ليهم، شاب متعلم وشكله محترم، بدأ يتودد لها ويعزمها على سينما وكلام حلو.. أسماء صدقت إن الدنيا ضحكت لها أخيراً، لحد ما في يوم صارحها:
— يا أسماء، إحنا لازم نأمن نفسنا، اكتبي لي الشقة عشان أقدر أخد قرض وأفتح
